Kalo te përmbajtja
ISTREFI MEAT SHOP

Informacion ligjor

Kushtet e shitjes

Përditësuar më 20 nëntor 2026

Shitësi

Emri
ISTREFI sh.p.k.
NIPT
K17529208I
Selia
Lagjja 15, Rruga Aleksandër Goga, pranë Fabrikës së Makaronave, 2001 Durrës
Dyqanet
Tiranë, Rruga Nikolla Jorga · Durrës, Rruga Aleksandër Goga 187 · Durrës, Rruga Andon Naçi
Telefoni
068 204 1738 · 069 544 1892 (WhatsApp: 068 204 1738)
Email
info@istrefi.al

Si porositni

Zgjidhni produktet në Banak, i shtoni në Kutinë dhe dërgoni porosinë në WhatsApp. Mund të porositni edhe me telefon ose në dyqan. Porosia vlen kur ne jua konfirmojmë në WhatsApp ose në telefon.

Çmimet

Çmimet janë në lekë, me të gjitha taksat. Mishi shitet me peshë: çmimi i plotë llogaritet në peshore, sipas peshës së vërtetë, dhe jua konfirmojmë para dërgesës. Për produktet pa çmim në faqe vlen çmimi i ditës.

Pagesa dhe dërgesa

Dërgojmë në Durrës dhe Tiranë me furgonët tanë, ose e merrni vetë në dyqan. Mënyrën e pagesës, ditën, orarin dhe koston e dërgesës jua konfirmojmë për çdo porosi, para se të niset.

Përbërësit dhe alergjenët

Për çdo produkt që nuk është mish i freskët (suxhuk, sallam, pasterma, qebap, qofte, hamburger, bulmet, reçel dhe gliko), përbërësit, alergjenët dhe të dhënat e etiketës jua japim para se të porositni, falas: na shkruani në WhatsApp, na telefononi ose pyesni në dyqan (VKM nr. 434, datë 11.7.2018, «Për etiketimin e ushqimeve dhe informimin e konsumatorit», neni 14).

E drejta e heqjes dorë

Mishi i freskët prishet shpejt dhe prerjet bëhen sipas kërkesës suaj: për këto produkte nuk zbatohet e drejta e heqjes dorë nga kontrata brenda 14 ditëve (ligji nr. 9902/2008 «Për mbrojtjen e konsumatorëve», neni 37/8, shkronjat «c» dhe «ç»). Kjo nuk prek të drejtat tuaja kur një produkt nuk është në rregull.

Kur diçka nuk është në rregull

Nëse një produkt nuk përputhet me porosinë ose nuk është në gjendjen e duhur, na njoftoni menjëherë në WhatsApp, në telefon ose në dyqan. Vendosim për ankesën menjëherë ose brenda 3 ditëve pune (neni 31) dhe, sipas ligjit, ju ofrojmë zëvendësimin, uljen e çmimit ose kthimin e parave.

Nëse nuk jeni të kënaqur me përgjigjen tonë, mund t'i drejtoheni autoritetit për mbrojtjen e konsumatorëve (kmk.ekonomia.gov.al).

Për biznese

Për restorante, hotele dhe markete vlejnë kushtet që caktojmë bashkë (çmime, sasi, dërgesa): oferta për biznese.

Të dhënat personale

Si i përdorim të dhënat tuaja: Privatësia dhe cookies. Për çdo gjë që nuk përmendet këtu zbatohet ligji shqiptar.